Linux ගැන දැන ගනිමු

 සෑහෙන්න දවසකට පස්සෙ තමයි නිවී සැනසිල්ලෙ බ්ලොග් එක පැත්තට ආවෙ. සරසවි ජීවිතයේ යාන්තම් එක අවුරුද්දක් ගෙවා ගත්තා. නත්තලට දාපු බ්ලොග් විජෙට් එකත් ඔන්න අයින් කළා දැන් ඉතින් මොන නත්තල්ද.

ඔන්න ඉතින් මේ ටිකේම වැඩ වැඩි නිසා ලිපි දාන්නත් බැරි වුණා ඒත් බ්ලොග් එක පැත්තෙ ආපු පිරිසෙ නම් අඩුවක් නෑ. ඇත්තටම තියෙන ලොකුම සතුටත් ඒකම තමයි. අද ටිකක් වෙනස් දෙයක් ගැන කියන්න හිතුණා මොකද පහුගිය දවස් ටිකේම වැඩ කළේ ලිනක්ස් වල. ඉතින් ඒක ගැන ටිකක් ලියන්න හිතුණා.

ලිනක්ස් කියන්නෙත් OS එකක් එහෙම නැත්තම් මෙහෙයුම් පද්ධතියක්. ලිනක්ස් වල ඉතිහාසය ගැන කියන්න යුනික්ස් ගැන නොකියා බෑ. මොකද යුනික්ස් හි කර්නලය තවදුරටත් වැඩි දියුණු කරමින් C භාෂාව ආශ්‍රිතව වැඩි දියුණු කරන ලද මෙහෙයුම් පද්ධතියක් තමයි ලිනක්ස් නමින් එළි දක්වන්නෙ. AT & T හා Bell පර්යෙෂණාගරායේ පර්යේෂන කරපු ඩෙනිස් රිචේ සහ කෙන් තොම්සන් යන මහත්වරුන්ගේ උත්සහයක ප්‍රතිඵලයක් ලෙස තමා Unix උපදින්නේ. මේ ඩෙනිස් රිචේ කියන්නේ අපි අදටත් භාවිතා කරන C පරිගණක භාෂාව ලෝකෙට හදුන්වාදීපු පුද්ගලයා. කෙන් තොම්සන් විසින් ලියන ලද කේත ඩෙනිස් රිචේ විසින් නැවත C භාෂාවෙන් ලියලා තමා Unix Kernel එක එළිදැක්වෙන්නේ.

ආරම්හක යුගයේදී ලිනක්ස් සංවර්ධනය හා පාවිච්චි කිරීම සිදුවූයේ ලිනක්ස් ලෝලීන් සීමිත පිරිසක් අතර පමණි. විශේෂයෙන්ම විශ්ව විද්‍යාල වල අධ්‍යයන කටයුතු සඳහා බහුලව භවිතා වුණා.1991 දි ෆින්ලන්තයේ හෙල්සින්කි විශ්වවිද්යාලයේ දෙවන වසර සිසුවකු වූ ලිනස් ටොර්වල්ඩ්ස් Unix කර්නලය නැවත වෙනස් කර ලියමින් Linux නම් වූ අපූර්ව මෙහෙයුම් පද්ධතිය ලෝකෙට බිහි කරා.  පසු කාලීන ව IBM, Sun  Microsystems, Hewlett-Packard, Novell වැනි සමාගම් ලිනක්ස් සර්වර් මෙහෙයුම් පද්ධතියක් ලෙස දියුණු කෙරිණී. වර්තමාන ව ලිනක්ස් මෙහෙයුම් පද්ධතියක් ලෙස ප්‍රචලිතව ඇත. මෙය ජංගම දුරකතන වල සිට සුපිරි පරිගනක දක්වා විහිදී ඇත. මෙහි ඇති විශ්වාසීදායකත්වය, ආරක්ෂාව, අඩු වියදම හා නිදහස මෙහි සාර්ථකත්වයට හේතුවී ඇත.

ලිනක්ස් හොඳ වෙන්නෙ ඇයි???

1. නොමිලයේම ලබා ගත හැකි වීම
2. වෛරස් ආසාදන ඉතා අඩු වීම
3. කිසිඳු ආකාරයේ දෘඩාංග මෘදුකාංග අනවශ්‍ය වීම (Drivers අනවශ්‍ය වීම)
4. පරණ පරිගණක වල පවා නවතම සංස්කරණ භාවිතා කල හැකි වීම.

ලින්ක්ස් විවෘත කේත මෘදුකාංගයක සංවර්ධනයට හොඳ උදාහරණයක් වානිජමය මෙහෙයුම් පද්ධති වන මයික්‍රොසොෆ්ට් වින්ඩෝස් හා මැක් OSමෙන් නොව මෙහෙයුම් පද්ධතියේ සියලු කේතයන් ලෝකයේ ඕනෑම කෙනෙකු හට නොමිලයේ භාවිතයට, ලබා ගැනීමට, බෙදා හැරීමට හා වෙනස් කිරීමට පුළුවන්.

අපි ගොඩ දෙනෙක් පාවිච්චි කරන්නෙ මයික්‍රොසොෆ්ට් වින්ඩෝස්. ඉතින් දැන් ඒ වගේම පාවිච්චි කරන්න පුළුවන් ලිනක්ස් සංස්කරණ කීපයක්ම තියෙනවා.

ඒ ගැන විස්තර ඊළඟ ලිපියෙන් ........